Ринат Дасаев Арсен Захарян келажаги ҳақида фикр билдирди
Афсонавий дарвозабон Ринат Дасаев журналистлар билан суҳбатда россиялик ярим ҳимоячи Арсен Захаряннинг «Реал Сосьедад»даги истиқболи юзасидан ўз қарашларини айтди. Бу ҳақда euro-football.ru хабар беради.
«Захарян Россияга қайтиш керакми-йўқми, қарорни ўзи қабул қилиши лозим. Агар у ўзини тайёр ҳис қилса, демак Испанияда қолиши керак», — дея Дасаев сўзларини «RB Sport» келтирди.
Аввалроқ матбуотда испан клуби янги бош мураббийи 22 ёшли россиялик футболчини жамоа режаларига киритмаётгани ҳақида хабарлар тарқалган эди.
Захарян «Реал Сосьедад» сафида 2023 йил ёзидан буён ўйнамоқда. Жорий мавсумда ярим ҳимоячи 16 учрашувда майдонга тушиб, 1 гол муаллифи бўлди.