«Бавария» Упамекано билан янги шартнома бўйича музокара қилмоқда
Мюнхеннинг «Бавария» клуби марказий ҳимоячи Дайо Упамекано билан янги шартнома масаласида ҳозирча якуний келишувга эришгани йўқ. Бу ҳақда журналист Максимилиан Кох хабар берди. Бу ҳақда euro-football.ru хабар беради.
Манбага кўра, томонлар асосан икки банд устида бош қотирмоқда: келишувнинг амал қилиш муддати ва шартномани муддатидан олдин бекор қилиш шартлари. Футболчи жамоада 2030 ёки 2031 йилгача қолиши мумкинлиги муҳокамада. Эрта бекор қилиш банди эса 2027 йилдан (ўйинчи истаги) ёки 2028 йилдан (клуб истаги) кучга кириши эҳтимоли бор.
Молиявий масалалар эса деярли ҳал қилинган: Упамеканонинг маоши 20 миллион евро бўлиши ва шунча миқдорда имзо бонусини олиши келишиб қўйилган. Музокаралар бир ойга чўзилганига қарамай, ҳимоячининг клубда қолиш эҳтимоли юқори баҳоланмоқда.
Жорий мавсумда 27 ёшли француз 24 та учрашувда майдонга тушиб, 1 та гол урди, 1 та голли пас берди ва 7 та сариқ карточка олди.