Роналду иштирокисиз ғалаба учун икки эмодзи билан жавоб берди
Криштиану Роналду мураббий билан келишувга кўра ОФК Чемпионлар лигаси 2 (Осиёдаги нуфуз жиҳатидан иккинчи клуб турнири) гуруҳ босқичи учрашувларида майдонга тушмаяпти. Шунга қарамай, “Ал-Наср” сардорисиз ҳам ишончли натижа кўрсатмоқда. Бу ҳақда euro-football.ru хабар беради.
Саудия клуби чоршанба куни гуруҳдаги бешинчи ўйинини ҳам ютиб, бешта баҳсда бешта ғалабага эришди. Тожикистонда “Истиқлол” 4:0 ҳисобида йирик мағлубиятга учради.
Учрашувдан сўнг Роналду ижтимоий тармоқларда “Ал-Наср” гуруҳни биринчи ўринда якунлаб, кейинги босқичга чиққанлиги ҳақидаги постни репост қилди ва унга олов ҳамда қарсак эмодзиларини қўшди.
40 ёшли португалиялик юлдузнинг “Ал-Наср” билан амалдаги шартномаси 2027 йил ўрталаригача мўлжалланган.