Карик Майнy ҳақида фикрларини очиқ айтди
"Манчестер Юнайтед" бош мураббийи Майкл Карик ярим ҳимоячи Кобби Майнунинг ҳозирги ҳолати ва жамоага қайтиши борасида ўз фикрини билдирди. Бу ҳақда euro-football.ru хабар беради.
20 ёшли футболчи Рубен Аморим даврида майдонда кам кўринганди, бироқ янги мураббий қўл остида асосий таркибга қайтди. АПЛнинг ўтган турида Майну манчестер дербисида "Манчестер Сити" устидан 2:0 ҳисобидаги ғалабага ҳисса қўшиб, учрашувни охиригача ўтказди.
"Кобби билан ишлаш менга ёқади, уни жуда ёшлигидан биламан. Таркибга шунчалик тез кириб келиш, шу даражада тез ўсиш ва муҳим ўйинларда ўзини кўрсатиш — катта гап. Ҳар бир футболчининг фаолиятида кўтарилиш ҳам, пасайиш ҳам бўлади, аммо ўтган ҳафта ҳамма Майну нималарга қодирлигини кўрди", — деди Карик матбуот анжуманида.
Якшанба куни "МЮ" сафaрда "Арсенал"га қарши баҳс олиб боради.