Де Дзербида француз паспорти бўлса, муносабат бошқача бўларди
«Марсель» бош мураббийи Роберто Де Дзерби ОАВ томонидан бўлаётган танқидларга муносабат билдирди. 24-январ куни унинг жамоаси «Ланс»нинг 10 ўйиндан иборат мағлубиятсиз сериясига нуқта қўйиб, 3:1 ҳисобида зафар қучди. Бу ҳақда euro-football.ru хабар беради.
Мутахассиснинг айтишича, у Марсель шаҳрига кўнгил қўйган, чунки бу жой ўзига хос. Де Дзерби танқид бўлиши табиийлигини тан олди, бироқ айримлар унинг миллати ва паспортига қараб баҳо бераётганини таъкидлади: француз паспорти бўлганида, муносабат бутунлай бошқача бўлиши мумкин эди.
Де Дзерби яна шуни қўшимча қилдики, баъзи одамлар ўзини бу ерда “асосий” деб ҳисоблайди, аммо унинг битта хўжайини бор ва у ҳам мураббий учун “эгаси” эмас. Мураббий журналистлар хоҳлаганини ёзиши қанчалик адолатли бўлса, у ҳам хоҳлаганидек жавоб бериши шунчалик табиий эканини айтди. Шунингдек, 1970/71 мавсумидан бери «Марсель» бу мавсумдагидек кўп гол урмаганини эслатиб, “агар жамоа гол ураётган бўлса, демак яхши ўйнаяпти” деган қараш билан улғайганини билдирди.
«Марсель»нинг ушбу ғалабаси «Ланс»нинг турнир жадвалида пешқадамлик имкониятини қўлдан бой беришига олиб келди. Ҳозир биринчи ўринда 45 очко билан «ПСЖ», иккинчи поғонада 43 очко билан «Ланс», учинчи ўринда эса 38 очко жамғарган «Марсель» бормоқда.