Филиппинда паром ҳалокати 15 кишининг умрига зомин бўлди
Филиппиннинг жанубида йўловчи ташувчи Trisha Kerstin 3 пароми чўкиб кетиши оқибатида камида 15 киши ҳалок бўлди. Яна 43 нафар йўловчи бедарак йўқолганлар рўйхатида. Бу ҳақда podrobno.uz хабар беради.
Xinhua хабарига кўра, ҳодиса 26-январ, душанба куни Балук ороли яқинида, Басилан провинсиясида маҳаллий вақт билан соат 01:50 атрофида содир бўлган.
Қидирув-қутқарув ишлари давомида 317 киши қутқариб қолинган. Ҳозирча омон қолганларни излаш давом этмоқда.
Соҳил қўриқлаш хизмати вакиллари дастлабки тахминларга кўра, паром техник носозликлар сабаб фалокатга учраган бўлиши мумкинлигини билдирган.
Аввалроқ Таиландда Пукет соҳиллари яқинида сайёҳларни олиб кетаётган катер балиқчи кемаси билан тўқнашиб, чўкиб кетгани ҳақида хабар берилганди. Катер бортида 55 киши, жумладан Ўзбекистоннинг уч нафар фуқароси бўлган. Уларнинг икки нафари енгил тан жароҳати олган, аҳволи барқарор деб баҳоланган.