Жикия келажаги бўйича агенти «Антальяспор» режасини айтди
«Антальяспор» футболчиси Георгий Жикиянинг агенти Владимир Кузмичёв россиялик ҳимоячининг клубдаги келажаги ҳақида фикр билдирди. Бу ҳақда euro-football.ru хабар беради.
Агентнинг айтишича, Жикия билан ҳаммаси жойида ва жамоа унга ишонч билдирмоқда. Сўнгги учрашувларда у майдонга тушмаганига сабаб микро жароҳат бўлган, ҳозир эса тикланиб улгурган ва кейинги ўйинда ўйнаши кутилмоқда.
Аввалроқ ОАВда туркиялик клуб «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Жикия бу мавсум Туркия чемпионатида 12 та ўйинда қатнашиб, 2 бор рақиб дарвозасини ишғол қилган. Унинг «Антальяспор» билан шартномаси 2027 йилнинг ўрталаргача амал қилади.