Ди Мария «Реал»ни тарк этиши оғриқли бўлганини эсллади
Аргентина футболчиси Анхел Ди Мария 2014 йилда ўз истагига қарши «Реал»дан «Манчестер Юнайтед»га кўчиб ўтган даврини ёдга олди. Бу ҳақда euro-football.ru хабар беради.
Унинг айтишича, Мадрид клубини тарк этиш жуда оғир кечган, чунки у кетишни умуман хоҳламаган. Ди Мария ОАВда «Роналдудек маош сўраяпти» деган гаплар тарқалганини рад этиб, бундай талаб мантиқсизлигини таъкидлади.
Футболчи ўша пайтда Чемпионлар лигасини ютиб, ўзини бахтли ҳис қилганини, бош мураббий Карло Анчелотти ҳам уни жамоада қолдириш тарафдори бўлганини айтди. Бироқ Хамес Родригес келгач, айнан Ди Мария трансфер бозорига чиқарилган.
Ди Мария сўнгги кунгача «Реал»да қолиш учун ҳаракат қилганини, машғулотларни давом эттирмоқчи бўлганини билдирди. У «Атлетико»га қарши Суперкубокнинг илк учрашувида майдонга тушган, аммо жавоб ўйинига ҳатто қайдномага ҳам киритилмаган.
Футболчи «Реал»нинг «Манчестер Юнайтед» билан келишиб қўйганидан унинг хабари бўлмаганини, бундай ҳолатлар футбол оламида вақти-вақти билан учраб туришини қўшиб ўтди.