Роналду «Ал-Наср» ғалабасидан кейин баёнот берди
Саудия Про-лигасининг душанба кунги баҳсида «Ал-Наср» «Ал-Таавун»ни 1:0 ҳисобида мағлуб этди. Учрашувдан сўнг Криштиану Роналду ижтимоий тармоқларда жамоанинг муваффақиятидан мамнун эканини билдирди. Бу ҳақда euro-football.ru хабар беради.
Португалиялик ҳужумчи бу сафар гол ура олмаган бўлса-да, натижа муҳимлигини таъкидлади. «Қадам-бақадам. Мақсадимизга тўлиқ эътибор!» — деб ёзди Роналду.
Ушбу уч очко «Ал-Наср»ни Саудия Арабистони чемпионати жадвалида иккинчи ўринга олиб чиқди. Пешқадам «Ал-Ҳилол»дан орадаги фарқ беш очкони ташкил этмоқда.
5 февраль куни Роналду 41 ёшни қарши олади. Унинг «Ал-Наср» билан амалдаги шартномаси 2026/2027 йилги мавсум охиригача мўлжалланган.