«Ювентус» афсонаси Буффонни туғилган куни билан табриклади
Чоршанба куни италиялик машҳур собиқ дарвозабон Жанлуижи Буффон навбатдаги туғилган кунини нишонламоқда. Италия терма жамоасининг экс футболчиси 48 ёшга тўлди. Бу ҳақда euro-football.ru хабар беради.
Бу муносабат билан «Ювентус» матбуот хизмати ижтимоий тармоқларда табрик йўллади. «Оқ-қоралар» Буффонни фаолияти ўзи ҳақида гапириб турадиган афсона сифатида тилга олди ва: «Туғилган кунинг билан, Жиджи!» — дея ёзди.
Буффон «Ювентус» сафида 685 та расмий ўйинда майдонга тушган. Ушбу учрашувларда дарвозабон 539 та гол ўтказиб юборган.
Маълумот учун, Буффон Италия чемпионатида 10 бор чемпион бўлган. Шунингдек, у 5 марта Италия кубогини, 6 марта эса Италия суперкубогини қўлга киритган. 2006 йилда эса у Италия терма жамоаси билан жаҳон чемпиони бўлган.