Қозоғистонда машина муз остига кетди, икки аёл қутқарилди
Қозоғистондаги Капшагай сув омборида енгил автомобиль муз устидан сирғалиб кетиб, муз қоплами остидаги совуқ сувга ғарқ бўлди.
Бу ҳақда Қозоғистон Фавқулодда вазиятлар вазирлиги матбуот хизмати хабар қилди.
Маълум қилинишича, ҳодиса вақтида автомашина салонида икки нафар аёл бўлган. Дарҳол воқеа жойига қутқарув хизматининг куч ва техникалари жалб этилди.
Қутқарувчилар транспорт воситасига хавфсиз кириш йўлагини ташкил этиб, махсус суғурталаш воситаларидан ҳамда муз устида ишлаш учун мўлжалланган жиҳозлардан фойдаландилар.
Оператив ҳаракатлар натижасида ҳар икки аёл тезкор тарзда автомобилдан чиқарилиб, соҳилга олиб ўтилди. Жабрланганларга воқеа жойининг ўзида зарур тиббий ёрдам кўрсатилди.