Левандовски Европа топ-лигаларда Месси ва Роналдуга тенглашди
37 ёшли польшалик гол машинаси Роберт Левандовски яна бир бор “статистика”ни тириклайин деб юборди. Европанинг топ чемпионатларида у XXI асрда фақат икки улкан юлдуз — Лионел Месси ва Криштиану Роналду қила олган тарихий натижани такрорлади. Қисқаси, Лева “легендалар клуби”га кириш учун ҳеч кимдан рухсат сўрамаяпти — ўзиёқ эшикни очиб киряпти.
Манбаларга кўра, Ла Лиганинг 2025/2026 йилги мавсумида Левандовски 10 та голга етиб улгурди. Шу билан у Европанинг кучли бешта лигасида кетма-кет 15 мавсум давомида “икки хонали” голлар чегарасини бузган учинчи футболчига айланди. Бунгача бундай барқарорликни фақат Роналду (16 мавсум) ва Месси (15 мавсум) кўрсатган — бири турли чемпионатларда, бири эса ўз услубида “бир маромда” ёниб турган.
Қизиғи, Роналду бу натижани "Манчестер Юнайтед", "Реал" ва "Ювентус" сафида қайд этган бўлса, Месси эса "Барселона" ҳамда ПСЖда шу барқарорликни ушлаб турган. Левандовски эса бу рекордга Ла Лиганинг 23-турида "Мальорка"га қарши 3:0 ҳисобидаги ўйинда гол уриб, расман “галочка” қўйди.
Польшалик ҳужумчи 2022 йил ёзидан бери каталонияликлар сафида тўп суряпти. Ундан олдин эса "Бавария" ва "Боруссия Дортмунд"да ҳам ўз сўзини айтган. Жорий мавсумда у барча мусобақаларда 28 та учрашувда иштирок этиб, 13 та гол ва 3 та голли узатма қайд этган.
Хулоса шу: Левандовски ёш эмас, лекин формада — худди “прайм” режимини ўчирмай қўйгандек. Мухлислар учун эса бу янгиликнинг маъноси оддий: катта ўйинларда катта рақамлар чиқяпти — демак, олдинда яна шоу бор.