Тимоти Веа Де Дзербининг эрта қўнғироғини эслади
“Марсель” футболчиси Тимоти Веа бош мураббий Роберто Де Дзерби уни жамоага қандай чорлагани ҳақида гапирди. Бу ҳақда euro-football.ru хабар беради.
Веа айтишича, клуб унга катта ишонч билдирган, Де Дзерби эса шахсан ўзи бу трансферга туртки бўлган. Мураббий футболчига FaceTime орқали эрталаб соат 06:00 да (Тошкент вақти билан) қўнғироқ қилган: у пижамада бўлган ва сигарет чекаётган пайтида “Тим, бу ерга келишинг керак. Кўрасан, бу сенинг уйинг” деган.
Август ойида “Марсель” Веани “Ювентус”дан ижарага олди ва маълум шарт бажарилгач, мажбурий сотиб олиш бандини ҳам киритди. Шу вақтгача Тимоти 28 ўйинда майдонга тушиб, 3 та гол урди ва 4 та голли узатма берди.
Ҳозирда “Марсель” Франция чемпионати турнир жадвалида 4-ўринда бормоқда.