ОАВ «Барселона»нинг трансферлар бўйича катта қарзини эслатди
«Барселона» трансферлар бўйича тўловларини ҳануз тўлиқ ёпмаган. Transfer News Live хабарига кўра, каталонияликлар тузган битимлар бўйича умумий қарздорлик қарийб 138 млн фунт стерлингни (тахминан 158,88 млн евро) ташкил этади. Бу ҳақда euro-football.ru хабар беради.
Манбага кўра, «кўк-анорранглилар» айрим футболчилар трансфери учун собиқ клублари билан ҳали ҳам тўлиқ ҳисоб-китоб қилмаган.
Рафинья бўйича «Лидс» олдидаги қарз тахминан 42 млн евро атрофида.
Жюл Кунде трансфери учун «Севилья»га қарийб 25,3 млн евро тўланиши керак.
Дани Олмо бўйича «РБ Лейпциг» олдида тахминан 17,8 млн евро мажбурият қолган.
Ферран Торрес трансфери учун «Манчестер Сити»га қарийб 13,82 млн евро берилиши лозим.
Роберт Левандовски бўйича эса «Бавария» олдидаги қарз миқдори тахминан 9,8 млн евронни ташкил этади.
Қайд этилишича, бу рўйхат якуний эмас ва бошқа битимлар ҳам бор.