The Athletic тарихдаги энг зўр футболчилар рейтинғини эълон қилди
Ижтимоий тармоқларда The Athletic тузган тарихдаги 100 нафар энг яхши футболчи рўйхати кенг тарқалди. Бу ҳақда euro-football.ru хабар беради.
Рейтингнинг кучли ўнлигида қуйидаги номлар жой олган: биринчи ўринда Лионел Месси, ундан кейин Диего Марадона ва учинчи поғонада Пеле. Тўртинчи ўринни Йохан Кройф эгаллаган бўлса, бешинчи ўринда Криштиану Роналду қайд этилган. Шунингдек, топ-10 рўйхатидан Алфредо ди Стефано, Франц Беккенбауэр, Зинедин Зидан, Ференц Пушкаш ва Мишел Платини ҳам жой олган.
Бундай рўйхатларни мутлақо холис тузиш осон эмаслиги таъкидланмоқда. Redditдаги муҳокамаларда футбол ишқибозлари ўртасида баҳслар қизиб кетди: айримлар уч карра жаҳон чемпиони бўлган Пеле нега фақат учинчи ўринга тушиб қолганидан норози.
Дарвозабонлар орасида афсона саналадиган Лев Яшин эса ушбу рейтингда 18-ўринга қўйилган.