Кампл Рангник уни оилавий вазиятга қарамай ўйнатганини айтди
Оилавий шароитлар сабаб футболчилик фаолиятини яқинда якунлаган словениялик ярим ҳимоячи Кевин Кампл «РБ Лейпциг»даги даврларини эслаб, ўша пайтдаги бош мураббий Ралф Рангник билан боғлиқ воқеани гапириб берди. Бу ҳақда euro-football.ru хабар беради.
Камплнинг сўзларига кўра, рафиқаси туғруқ арафасида бўлишига қарамай, Рангник ундан барибир майдонга тушишни қатъий талаб қилган: «Орқингдан самолёт юборсам, сен бу ўйинда майдонга тушишинг шарт», деган экан мураббий.
Гап «Волфсбург»га қарши баҳс ҳақида кетмоқда — ўша ўйинда Лейпциг 4:0 ҳисобида ғалаба қозонган. Учрашувдан кейин эса Кампл янада ҳайратда қолган: Рангник журналистлар билан суҳбатда футболчи ўзи жон-жаҳди билан ўйнашга интилгандек тақдим этган, аслида эса вазият бунинг тескариси бўлган.