Паненка пенальтидаги услуби ҳурматсизлик эмаслигини айтди
Афсонавий футболчи Антонин Паненка ўз номи билан аталадиган пенальти услуби рақибни менсимаслик дегани эмаслигини таъкидлади. У 1976 йилги Европа чемпионати финалида айнан шу зарбани ижро этиб, футбол тарихида қолган. Бу ҳақда euro-football.ru хабар беради.
Паненканинг айтишича, бундай зарба орқали у ҳеч кимни масхара қилишни кўзламаган. «Бу ҳурматсизликми? Мен бунга қўшилмайман. Ўша пайтда мен шунчаки гол уриш эҳтимоли энг юқори бўлган йўлни танлагандим. Европа чемпионати финалида рақиб устидан кулиш ҳақида ўйламайсан. Мен футболни яхши кўраман ва ҳеч кимнинг устидан кулишни истамаганман. Менимча, бу гол уришнинг энг яхши усули эди», — деди у Cadena SER радиостанциясидаги El Larguero дастурида.
Эслатиб ўтамиз, аввалроқ Паненка Браис Диасс нега Африка миллатлар кубоги финалида «паненка» услубида гол ура олмаганини ҳам ўз нуқтайи назаридан изоҳлаган эди.