100.000 passasjerar råka av streik i Lufthansa

Torsdag gjekk pilotar og kabintilsette i det tyske flyselskapet Lufthansa i streik.100.000 passasjerar er råka av streiken og 800 flygingar er kansellert til no, skriv Reuters.

– Vi forventar å kunne tilby normal ruteplan frå fredag, opplyser Lufthansa, skriv Reuters.

Selskapet ber reisande om å sjekke status for flyginga si før dei reiser til flyplassen.

– Reisande som er råka av streiken er no booka om. Dette arbeidet har høgast prioritet og går framleis føre seg. Vi ber derfor om tolmod, skriv Lufthansa på sine nettsider.