Криштиану Роналду қизи билан бирга машғулот ўтказди
Жоржина Родригес ижтимоий тармоқларда Криштиану Роналду иштирокидаги янги суратни улашди. Кадрда ҳужумчи спорт залида гантеллар билан машқ қилаётгани, унинг ёнида эса қизларидан бири ҳам кичик, пушти рангли гантелларни кўтариб тургани кўринади. Бу ҳақда euro-football.ru хабар беради.
Сурат остига Жоржина қисқа изоҳ қолдирди: «Дада».
Аввалроқ Родригес Роналду туғилган куни муносабати билан табрик постини ҳам эълон қилганди. Қизиқ томони, у футболчининг 41 ёшга тўлган кунидан кейинги куни жойланган.
Шу орада Роналду «Ал-Наср»нинг сўнгги бир нечта ўйинларини ўтказиб юборди. ОАВда эса португалиялик юлдуз клуб бошқарувидан норози бўлгани сабабли учрашувларни бойкот қилаётгани ҳақида хабарлар тарқалди.