«Бока Хуниорс» янги спорт директорини расман таништирди
Аргентина гиганти «Бока Хуниорс» клубида спорт директори лавозимига янги тайинлов амалга оширилди. Клуб расмий баёнотига кўра, энди бу вазифани Марсело Делгадо бажаради. Бу ҳақда euro-football.ru хабар беради.
Делгадо клуб президенти Хуан Рикелме билан яқин ҳамкорликда ишлайди. Собиқ «Барселона» футболчиси бўлган Рикелме билан бирга улар жамоани тез фурсатда кучайтириш масаласига жиддий киришиши керак.
Марсело Делгадо футболчилик фаолиятида ҳам тажрибага бой: у Аргентина терма жамоаси сафида 1995–2002 йилларда 18 та ўйин ўтказган ва 1998 йилги Жаҳон чемпионатида ҳам иштирок этган.
Шунингдек, у 2003 йилда Либертадорес Кубогида энг кўп гол урган футболчилар қаторидан жой олган. Делгадо бу кўрсаткичда «Сантос» ҳужумчиси Рикардо Оливейра билан бирга мусобақа тўпурарига айланган.