Iran sin utanriksminister er i Sveits for atomsamtalar
Iran sin utanriksminister Abbas Araghchi har reist til Sveits for å delta i andre runde med atomsamtalar med USA, skriv nyheitsbyrået AFP.
– Eg er i Genève med reelle idear for å oppnå ein rettferdig og rimeleg avtale, skriv Araghchi på X.
Araghchi skal også ha samtalar med Sveits sin utanriksminister, samt sjefen for Det internasjonale atomenergibyrået IAEA, Rafael Grossi.
Iran er no klar for å diskutere kompromiss for å komme i hamn med ein atomavtale med USA, dersom amerikanarane er villige til å diskutere oppheving av sanksjonar, sa Iran sin viseutanriksminister Majid Takht-Ravanchi i eit intervju med BBC på søndag.