Январда Ўзбекистонга хориждан қарийб бир миллион турист келди
Миллий статистика қўмитаси маълумотларига кўра, 2026 йилнинг январь ойида Ўзбекистонга туристик мақсадларда жами 950 278 нафар чет эл фуқароси ташриф буюрган.
Қайд этилишича, бу кўрсаткич ўтган йилнинг мос даврига нисбатан 271,6 минг нафарга ёки 40 фоизга ошган. Яъни, янги йилнинг биринчи ойиёқ туризмда “жонланиш” борлигини кўрсатиб берди.
Энг кўп турист келган ТОП-10 давлатлар қуйидагича:
1. Қирғиз Республикаси — 282 798 нафар
2. Тожикистон — 244 373 нафар
3. Қозоғистон — 207 858 нафар
4. Россия — 69 070 нафар
5. Афғонистон — 43 572 нафар
6. Туркманистон — 28 150 нафар
7. Хитой — 25 666 нафар
8. Туркия — 12 740 нафар
9. Ҳиндистон — 6 095 нафар
10. Корея Республикаси — 3 237 нафар
Рақамлардан кўриниб турибдики, асосий турист оқими қўшни давлатлар ҳиссасига тўғри келяпти — бу ҳам табиий: йўл яқин, келиш-кетиш тез, ташрифлар тез-тез бўлади. Шу билан бирга, узоқ давлатлардан ҳам оқим борлиги (Хитой, Туркия, Ҳиндистон, Корея) келгуси ойларда туризм географияси янада кенгайиши мумкинлигини англатади.
Энди асосий вазифа битта: бу ўсишни “бир ойлик шовқин” қилиб қўймасдан, хизмат сифати, логистика ва инфратузилма билан мустаҳкамлаб бориш. Шунда февраль–март ойларида ҳам рақамлар янада баландлашиши мумкин.