Осимҳен "Ювентус"га ўтиши мумкинлигини айтди
Нигериялик ҳужумчи Виктор Осимҳен "Наполи"ни тарк этиб, ҳозир Туркия чемпионатида "Галатасарой" сафида ёрқин ўйин кўрсатмоқда. Бироқ у Италияда ҳам қолиши мумкин эди — ҳужумчининг А Сериядаги бошқа клубга, хусусан, Турин "Ювентус"ига ўтиш эҳтимоли анча юқори бўлган. Бу ҳақда euro-football.ru хабар беради.
Осимҳеннинг сўзларига кўра, "Галатасарой"га йўл олишидан аввал "Ювентус" томондан қизиқиш бўлган. Аммо у "Наполи" президенти уни бошқа италян клубига қўйиб юбормаслигини олдиндан тушунганини таъкидлади. Футболчининг фикрлари calcionapoli1926.it томонидан келтирилди.
Осимҳен 2020–2024 йилларда "Наполи" шарафини ҳимоя қилган. Ҳозир неаполликлар А Серия турнир жадвалида учинчи ўринда бормоқда.