Кейлор Навас Зидан фаолиятимни бутунлай ўзгартирди деди
Мадриднинг «Реал»и ва «ПСЖ»нинг собиқ дарвозабони Кейлор Навас Зинедин Зидан билан ишлаган даврларини эслаб, мураббий унинг футболчилик йўлига катта таъсир кўрсатганини айтди. Бу ҳақда euro-football.ru хабар беради.
Коста-рикалик посбон 2014–2019 йилларда «қироллик клуби» сафида тўп сурган ва айнан шу йилларда француз мутахассис билан бир жамоада ишлаган.
Наваснинг таъкидлашича, Зидан футболчиларга ишонч бера оладиган ноёб мураббийлардан: у нафақат ҳамма эътироф этадиган обрўси, балки ҳар бир ўйинчига индивидуал ёндашуви билан ҳам ажралиб туради. Шунингдек, Зинедин рақибларни синчиклаб таҳлил қилиб, тактик жиҳатдан аниқ ечимлар таклиф қилган ва жамоага ғалаба учун зарур “асбоблар”ни берган. Madrid Universal иқтибос келтиради. Ҳозирда Навас Мексиканинг «Пумас» клубида ўйнамоқда.
Эслатиб ўтамиз, Зинедин Зидан 2021 йилда «Реал»ни тарк этганидан буён мураббийлик қилмаяпти.