Сурхондарёда ит болаларини ваҳшийларча қулоқларини узган йигит қамалди
Сурхондарё вилоятида ит болаларининг қулоқларини узиб ташлаш акс этган видео ижтимоий тармоқларда кенг тарқалди. Ҳолат юзасидан вилоят Экология бошқармаси матбуот хизмати расмий муносабат билдирди.
Маълум қилинишича, Экология ва иқлим ўзгариши бош бошқармаси ҳамда Ички ишлар бошқармаси ўрганиш ўтказган. Текширувда Шеробод тумани "Меҳнатобод" маҳалласида яшовчи фуқаро О.Й. учта ит боласига нисбатан шафқатсиз муомала қилгани айтилган.
Ҳолат бўйича Маъмурий жавобгарлик тўғрисидаги кодекснинг 111 моддаси 2 қисми асосида баённома расмийлаштирилиб, иш материаллари судга юборилган. Суд қарорига кўра, фуқаро О.Й.га 10 кун маъмурий қамоқ жазоси қўлланилган.