Ван де Вен "Арсенал"ни майдондаги энг яхши жамоа деди
"Тоттенҳэм" ҳимоячиси Микки ван де Вен Лондон дербисида "Арсенал"нинг устунлигини тан олди. АПЛнинг 27-турида "канонирлар" 4:1 ҳисобида ғалаба қозонди. Бу ҳақда euro-football.ru хабар беради.
Ван де Веннинг айтишича, ўйиннинг биринчи бўлимида ҳисоб 1:1 бўлиб турган пайтда "Тоттенҳэм" ҳали курашда эди. Бироқ "Арсенал" иккинчи голни ургач, вазият янада оғирлашди ва рақиб "Тоттенҳэм"га қараганда анча кўп хавфли вазиятлар яратди.
Футболчи янги мураббий Тудор ҳақида ҳам тўхталди: у бутун ҳафта давомида жамоа билан ишлаган, ўз услубини сингдиришга уринayotganини ва ҳар жиҳатдан ёрдам беришни истаётганини таъкидлади. Энди эса "Тоттенҳэм" кейинги учрашувга, "Фулҳэм"га қарши ўйинга тайёргарликни давом эттиради.
Ҳозирда "Тоттенҳэм" АПЛ турнир жадвалида 29 очко билан 16-ўринда бормоқда. "Арсенал" эса 61 очко билан пешқадам.