«Ал-Наср» бош мураббийи Жезуш билан келишувни узайтирмоқчи
«Ал-Наср» бош мураббийи Жорже Жезуш клуб билан шартномасини узайтириши мумкин. Саудия Арабистонидан келаётган хабарларга кўра, раҳбарият португалиялик мутахассисга 2027 йил ўрталаригача мўлжалланган янги битим таклиф қилишга тайёр. Бу ҳақда euro-football.ru хабар беради.
Клуб Жезушнинг ишидан мамнун ва ҳамкорликни кейинги мавсумда ҳам давом эттириш ниятида. Аввалроқ, агар Криштиану Роналду ёзда жамоани тарк этса, мураббий ҳам кетиши мумкинлиги ҳақида гаплар чиққанди. Бироқ юлдуз ҳужумчи яқинда «Ал-Наср»да қолиш истагини билдирган.
Жезуш жамоани ўтган йил июлида қабул қилиб олган. Ҳозирда «Ал-Наср» чемпионат турнир жадвалида пешқадамлик қилмоқда.