Кавани мухлислар норозилигига учради, «Бока»даги келажаги сўроқ остида
Уругвайлик ҳужумчи Эдинсон Кавани «Бока Хуниорс»ни тарк этиши мумкин. Бироқ гап унинг шахсий истагида эмас: футболчининг сўнгги ўйинлари клуб мухлисларини ранжитмоқда ва стадионда унга нисбатан ҳуштакбозлик тобора кўпаймоқда. Бу ҳақда euro-football.ru хабар беради.
Сўнгги учрашувда Кавани алмаштирилган пайтда ҳам бу ҳолат яна такрорланди — «Матадор» майдонни тарк этаётганда трибуналардан кескин ҳуштаклар янгради. Алмаштириш эса вазиятни ўзгартирмади: «Бока» «Платензе» дарвозасини ишғол қила олмади ва ўйин 0:0 ҳисобида якунланди.
Аргентина ОАВлари энди Кавани билан шартномани узайтириш масаласига жуда эҳтиёткорона ёндашмоқда. Бунга қўшимча равишда, клуб парагвайлик Адам Барейрони сафига қўшиб олди ва кўпчилик у 39 ёшли тажрибали ҳужумчини асосий таркибдан сиқиб чиқаришини кутмоқда.