Марсело Гальярдо «Ривер Плейт»даги фаолиятини якунлайди
Аргентинанинг «Ривер Плейт» клуби бош мураббийи Марсело Гальярдо жамоани тарк этиш қарорини қабул қилди. Бу ҳақдаги расмий хабар клубнинг сайтида эълон қилинди. Бу ҳақда euro-football.ru хабар беради.
Мутахассис мамлакат чемпионати доирасида «Банфилд»га қарши 26 февраль куни бўлиб ўтадиган учрашувдан сўнг лавозимини топширади. Қайд этилишича, истеъфога жамоанинг кутилган натижаларни бера олмаётгани сабаб бўлган: ҳозирда «Ривер Плейт» турнир жадвалида 10-ўринда бормоқда.
Гальярдо «Ривер Плейт»ни мураббий сифатида икки марта бошқарган. Унинг 2014–2022 йиллардаги биринчи даврида клуб 14 та совринни қўлга киритган, жумладан, Аргентина чемпионлиги ва Либертадорес кубогида икки бор ғолиб чиққан.