Погребняк: Адвокат кетгач, Кюрасао терма жамоасига қизиқиш сўнди
Петербургнинг "Зенит" клубида тўп сурган собиқ ҳужумчи Павел Погребняк нидерландиялик мураббий Дик Адвокат Кюрасао терма жамоаси бош мураббийлигидан кетганидан кейин фикр билдирди. Адвокат оилавий сабаблар туфайли лавозимини тарк этди. Бу ҳақда euro-football.ru хабар беради.
Погребнякнинг айтишича, мураббий кетганидан сўнг у Кюрасао жамоасининг жаҳон чемпионатидаги иштирокини кузатишга бўлган қизиқишини йўқотган. У Адвокатнинг кетгани уни ранжитганини ҳам таъкидлади, дея иқтибос келтиради "Чемпионат".
Эслатиб ўтамиз, Адвокат бошчилигида Кюрасао терма жамоаси ўз тарихида илк бор жаҳон чемпионатига йўл олди.
Нидерландиялик мутахассис аввалроқ "Зенит" ҳамда Россия терма жамоасида ҳам ишлаган.