Тошкентда вояга етмаганлар иштирокидаги порнографик материалларни тарқатган шахс қўлга олинди
Жиззах вилояти ИИБ томонидан ўтказилган тезкор тадбир давомида Telegram орқали вояга етмаганлар иштирокидаги порнографик материалларни тарқатган шахс аниқланди, деб Киберхавфсизлик маркази хабар берди.
Маълум қилинишича, у 442 нафар обуначига эга бўлган канали орқали 403 турдаги тақиқланган материалларни жойлаштирган. Гумонланувчи ўз кўрсатмасида бундай каналга аввал қизиқиш туфайли қўшилгани, кейин эса ўзи ҳам шундай саҳифа очганини билдирган.
Шунингдек, Тошкент вилоятида яшовчи 21 ёшли йигит ҳам қўлга олинган. У Telegram’да қизлар номидан 6 та канал очиб, жами 3750 та порнографик материал жойлаштиргани маълум бўлган.
Текширувларга кўра, у бошқа ижтимоий тармоқлар орқали 837 нафар шахсга вояга етмаганлар иштирокидаги ноқонуний маҳсулотларни сотиб, 29,2 млн сўм миқдорида даромад олган.
Мазкур ҳолатлар юзасидан Жиноят кодексининг 130-моддаси 3-қисми билан жиноят ишлари қўзғатилган. Гумонланувчиларга нисбатан қамоққа олиш тарзидаги эҳтиёт чораси қўлланилган.