Погребняк: Адвокат кетгач Кюрасао термасига қизиқишим сўнди, деди
Санкт-Петербургнинг “Зенит” клуби собиқ ҳужумчиси Павел Погребняк нидерландиялик мураббий Дик Адвокат Кюрасао терма жамоаси бош мураббийлигидан кетганини изоҳлади. Мутахассис оилавий сабаблар туфайли лавозимни тарк этди. Бу ҳақда euro-football.ru хабар беради.
Погребнякнинг айтишича, Адвокат жамоани тарк этганидан сўнг у Кюрасао терма жамоасининг Жаҳон чемпионатидаги иштирокига бўлган қизиқишини йўқотган. “Дикнинг кетгани жуда ачинарли, бундан ранжидим”, — дея унинг сўзларини “Чемпионат” нашри келтиради.
Эслатиб ўтамиз, Адвокат бошчилигида Кюрасао термаси тарихда илк бор Жаҳон чемпионатига йўлланма олган эди.
Нидерландиялик мураббий аввалроқ “Зенит”да ҳамда Россия терма жамоасида ҳам фаолият юритган.