ФИФА Мексикадаги вазият туфайли мундиални кўчиришни кўриб чиқмоқда
Мексикадаги тартибсизликлар ФИФАни жиддий ташвишга солмоқда. Мамлакат 2026 йилги жаҳон чемпионатини АҚШ ва Канада билан бирга қабул қилиши керак, аммо яқин орада, март ойининг охирида Мексика ҳудудида қитъаларо плей-офф учрашувлари ўтказилиши режалаштирилмоқда — унда мундиалга икки йўлланма ҳал бўлади. Бу ҳақда euro-football.ru хабар беради.
The Athletic хабарига кўра, ФИФА Мексикадаги вазиятни диққат билан кузатмоқда ва маҳаллий расмийлар билан доимий алоқада турибди. Зарурат туғилса, ташкилот мартдаги плей-офф ўйинларини бошқа жойга кўчириш ёки ҳатто жаҳон чемпионати финал босқичининг айрим учрашувларини қайта тақсимлаш эҳтимолини ҳам истисно қилмаяпти. Қарор вазият қандай ривожланишига боғлиқ бўлади.
Эслатиб ўтамиз, 2026 йилги жаҳон чемпионатида амалдаги чемпион — Аргентина терма жамоаси — ўз унвонини ҳимоя қилади.