Салемакерс «Милан» мағлубиятидан кейин олдинга интилишни айтди
Белгиялик ярим ҳимоячи Алексис Салемакерс Италия А Сериясининг сўнгги турида «Милан» учраган мағлубият ҳақида фикр билдирди. Ушбу натижа «россонери»нинг кетма-кет 24 ўйиндан иборат ютқазмаслик сериясига якун ясади. Бу ҳақда euro-football.ru хабар беради.
Эслатиб ўтамиз, мавсумнинг илк турида «Кремонезе»дан енгилгандан сўнг, «Милан» ўтган дам олиш кунигача рақибларга имкония бермай келаётганди. «Албатта, ҳафсаламиз пир бўлди. Аммо бошқа йўл йўқ — ҳамжиҳат бўлиб олдинга юришимиз керак», — дея Салемакерс сўзларини келтиради pianetamilan.it.
«Милан» сўнгги бор 2022 йилда Италия чемпиони бўлган — ўшанда жамоа «Интер»ни икки очко фарқи билан ортда қолдирганди. «Россонери»ни ўша пайтда Стефано Пиоли бошқарган.