Локателли «Ювентус» майдонда борини берди, аммо четда қолди
Туриннинг «Ювентус» жамоаси «Галатасарай»га қарши баҳсда қаҳрамонлик кўрсатишга яқин эди, бироқ қўшимча бўлимларда кетма-кет иккита гол ўтказиб юборди ва натижада Чемпионлар лигаси билан хайрлашди. Учрашувдан сўнг туринликлар ярим ҳимоячиси Мануэл Локателли ўз фикрлари билан ўртоқлашди. Бу ҳақда euro-football.ru хабар беради.
«Ҳасратдан йиғлагим келади: биз ўзимизга жуда ишондик ва жуда яқин эдик... Майдонда боримизни бердик, энг аввало юрагимизни қўйдик. Барибир, эҳтимол, ҳаммаси биринчи ўйиндаёқ ҳал бўлганди. Бугунги баҳс эса ақлбовар қилмас даражада ўтди», — дея Локателлининг сўзларини келтиради Juvenews.eu.
Маълумот учун, «Ювентус» Европанинг энг нуфузли клуб турнирида сўнгги бор 1996 йилда ғолиб чиққан.