Блогерлар расман солиқ тўлашни бошлайди
Ўзбекистон Солиқ қўмитаси вакиллари блогерлар ва интернет орқали даромад топаётган шахслар фаолияти устидан самарали солиқ назоратини йўлга қўйиш мақсадида Москва шаҳрида Россия Федерал солиқ хизмати тажрибасини ўрганмоқда.
2025 йилда Ўзбекистон иқтисодиётида муҳим янгилик юз берди: илк бор блогерларнинг реклама даромади расмий равишда Ялпи ички маҳсулот (ЯИМ) таркибига киритилди.
Асосий рақамлар:
• Даромад ҳажми: 760,2 миллиард сўм.
• Доллар эквивалентида: Тахминан 62 миллион АҚШ доллари.
Бундан кўриниб турибдики, блогерлик энди шунчаки ижтимоий тармоқдаги фаоллик эмас, балки реал иқтисодий сегментга айланган. Олдинда бу соҳани тўлиқ шаффофлаштириш, расмийлаштириш ва солиқ тизими билан тўлиқ интеграция қилиш босқичи турибди.