«Бавария» Нойер кетадиган бўлса, ворисини белгилаб қўйди
Мюнхеннинг «Бавария» клуби дарвозабони Мануэл Нойер жорий мавсум якундан сўнг жамоани тарк этиши мумкин. Март ойида 40 ёшга тўладиган сардор ҳозирча фаолиятини давом эттириш-эттирмаслик борасида якуний қарорга келмаган. Бу ҳақда euro-football.ru хабар беради.
Bayern & Germany хабарига кўра, агар Нойер ёзда клуб билан хайрлашса, асосий дарвозабон сифатида Йонас Урбигни танлаш масаласи деярли ҳал бўлган: унга рақобатчи изланмайди. Клуб фақат заҳира вариант учун янги посбонни таклиф қилиши мумкин.
Мануэл Нойер 2011 йилдан бери «Бавария» сафида тўп суриб келади. Жорий мавсумда у 28 ўйинда 27 та гол ўтказиб юборди.
22 ёшли Йонас Урбиг эса бу мавсумда 9 учрашувда майдонга тушиб, 8 та гол ўтказди.