«Ал-Ҳилол» Индзаги масаласини кўтармоқда, мураббий эса хотиржам
Саудия Арабистони чемпионатида «Ал-Ҳилол» ҳозирча мағлуб бўлгани йўқ, бироқ сўнгги турдаги бир нечта дуранг натижалар жамоани турнир жадвалида учинчи поғонага тушириб юборди. La Repubblica хабарига кўра, мамлакатда Симоне Индзагининг бош мураббийликдан бўшатилиши эҳтимоли ҳақида гап-сўзлар кучайган. Бу ҳақда euro-football.ru хабар беради.
Манбада қайд этилишича, италиялик мутахассисга нисбатан норозилик аввало «Ал-Ҳилол» мухлислари орасида сезилмоқда. Шунга қарамай, Индзаги вазиятга сокин муносабатда: унинг шартномаси 2027 йил ўрталаригача амал қилади ва муддатидан олдин бекор қилинса, катта компенсация кўзда тутилган.
Симоне Индзаги маоши бўйича дунёдаги иккинчи энг кўп ҳақ оладиган мураббий саналади, ундан фақат Диего Симеоне олдинда. Индзагининг йиллик маоши 26 миллион еврони ташкил этади.