Костакурта «Аталанта»нинг Чемпионлар Лигасидаги камбекини олқишлади
Италиянинг «Аталанта» жамоаси А Сериядан Чемпионлар лигасининг кейинги босқичига чиқа олган ягона клуб бўлиб қолди. Дортмунднинг «Боруссия»сига илк учрашувда 0:2 ҳисобида имкониятни бой берган бергамоликлар жавоб ўйинида рақибдан тўлиқ реванш олди — 4:1. Бу ҳақда euro-football.ru хабар беради.
Учрашувдан кейин «Милан» афсоналаридан бири Алессандро Костакурта «Аталанта»нинг ўйинидан ҳайратини яширмади. Унинг айтишича, жамоа кутилганидан ҳам кучлироқ футбол кўрсатиб, Италия футболи элитасига мансублигини яна бир бор исботлаган.
«Бу ақлбовар қилмас даражада эди. Мен улар буни уддалайди деб ўйламагандим, бироқ улар ажойиб ўйин ўтказди. «Аталанта» Италия футболи элитасида эканини яна тасдиқлади. Пасаличга ўхшаган етакчини мен Франко Барезидан бери кўрмаганман», — дея Костакуртанинг сўзларини pianetamilan.it келтирди.
Эслатиб ўтамиз, «Аталанта» 2024 йилда Европа лигаси ғолиби бўлган.