РФС Россия ўйинлари мезбонлиги танловини изоҳлади
Россия футбол иттифоқи (РФС) бош котиби Максим Митрофанов терма жамоанинг Никарагуа ва Мали билан учрашувлари нега мос равишда Краснодар ҳамда Санкт-Петербургда ўтказилишини тушунтирди. Бу ҳақда euro-football.ru хабар беради.
Митрофановнинг айтишича, стадионлар танланаётганда бир қанча омиллар, жумладан иқлим шароити ҳам инобатга олинган. Унинг таъкидлашича, мақсад — жамоани ҳам, учрашувларнинг ўзини ҳам имкони қадар қулай муҳитда ташкил этиш ва мухлисларга байрам кайфиятини улашиш.
Россия — Никарагуа ўйини 27 март куни Краснодарда бўлиб ўтади, Мали билан баҳс эса 31 март куни Санкт-Петербургда ўтказилади. Россияга рақиб бўладиган бу икки терма жамоа 2026 йил Шимолий Америкада ўтадиган футбол бўйича жаҳон чемпионатига чиқа олмаган.