Хитой фуқароларига Эронга сафар қилмасликни расман тавсия қилди
Хитой Ташқи ишлар вазирлигининг Консуллик ишлари департаменти фуқароларни Эронга сафар қилмасликка чақирди. Бу ҳақда 27 февраль куни The Global Times нашри хабар берди.
Расмий баёнотга кўра, Эрондаги ҳозирги хавфсизлик вазияти ҳисобга олинган ҳолда Хитой фуқароларига ушбу мамлакатга боришдан вақтинча тийилиш тавсия этилган. Шу билан бирга, айни пайтда Эрон ҳудудида бўлиб турган Хитой фуқароларига шахсий хавфсизлик чораларини кучайтириш ҳамда имконият бўлса, мамлакатни имкони борича тезроқ тарк этиш маслаҳат берилган.
Баёнотда, шунингдек, Хитойнинг Эрон ва унга қўшни давлатлардаги дипломатик ваколатхоналари тижорат авиарейслари ёки қуруқлик йўналишлари орқали чиқиб кетмоқчи бўлган фуқароларга амалий ёрдам кўрсатиши ҳам қайд этилган.