Слуцкий бошқарган Shanghai Shenhua ACLда мағлуб бўлди
Осиё Чемпионлар лигасида етти турдан сўнг «Shanghai Shenhua» плей-оффга чиқиш имкониятини бой берган эди. Саккизинчи турда «Buriram United»га қарши баҳс Леонид Слуцкий жамоаси учун турнирдаги сўнгги имконият — ҳеч бўлмаса муносиб якун ясаш эди, бироқ бу режаси амалга ошмади. Бу ҳақда euro-football.ru хабар беради.
Таиланд клуби 2:0 ҳисобида ғалаба қозонди: учрашувнинг 11-дақиқасида Гуд Кўртис, 22-дақиқада эса Супханат Муанта гол урди. Кўп ўтмай «Shanghai Shenhua» бир футболчидан айрилиб, сон жиҳатдан камчиликда қолди ва ўйиндаги интрига деярли сўнди.
Маълумот учун, Леонид Слуцкийнинг «Shanghai Shenhua» билан амалдаги шартномаси 2027 йил охиригача мўлжалланган.