Нобоа «Рубин» «Барселона»ни енггандаги катта бонусларни айтди
2009 йил октябрида Қозоннинг «Рубин» клуби Чемпионлар лигасида кутилмаган натижа қайд этиб, «Камп Ноу»да «Барселона»ни 2:1 ҳисобида мағлуб этганди. Ўша учрашувда жамоа сафида тўп сурган Кристиан Нобоа кейинчалик бу ғалаба учун берилган мукофот пуллари ҳақида эслади. Бу ҳақда euro-football.ru хабар беради.
Нобоанинг сўзларига кўра, бу унинг фаолиятидаги энг йирик премиялар бўлган: ҳар бир футболчига 80 минг доллар тўланган. Бу ҳақда у «Спорт-Экспресс»га берган изоҳида таъкидлаган.
Ярим ҳимоячи ўша маблағни бирор нарса сотиб олишга сарфламаганини, аксинча, жамғариб қўйганини айтди — ўзи айтганидек, ўшанда ҳам анча мулоҳазали йигит бўлган.
Эслатиб ўтамиз, 2009/2010 йилги Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқорироқ поғоналарда якунлаган бўлса, Киевнинг «Динамо»си энг пастда қолган.