Гальярдо кўз ёш тўкди: «Ривер Плейт»ни ҳеч ким тарк этмайди
Марсело Гальярдо мураббий сифатидаги сўнгги учрашувини ўтказди: унинг жамоаси «Банфилд»га қарши баҳсда «Ривер Плейт» билан 3:1 ҳисобида ғалаба қозониб, кетма-кет уч мағлубиятдан иборат омадсиз серияга нуқта қўйди. Бу ҳақда euro-football.ru хабар беради.
Айнан шу муваффақиятсиз кетма-кетлик Гальярдонинг лавозимини хавф остида қолдирган эди, бироқ клуб унга мавсум якунини муносиб тарзда ёпиш имконини берди. У эса бу лаҳзани жуда таъсирли тарзда ўтказди.
Ўйиндан кейин кўз ёшларини яширмаган Гальярдо мухлисларга миннатдорлик билдириб, «Ҳаммага шунчаки раҳмат. Сизларнинг меҳрингизни сўз билан ифодалаш қийин. Мен бутунлай кетмаяпман. «Ривер»ни ҳеч ким абадий тарк этмайди. Бу сеҳрли маскан: кетсанг ҳам, барибир клуб билан қоласан», деди.
Эслатиб ўтамиз, Гальярдо 1990-йилларда «Ривер Плейт» сафида тўп сурган ва Аргентина терма жамоасида ҳам ўйнаган.