Հայ Ազգային Կոնգրեսի հայտարարությունը մարտիմեկյան ոճրագործության տարելիցի առթիվ 2008թ. փետրվարի 19-ի նախագահական ընտրություններն ընթացան իշխող վարչախմբի կողմից իրականացված Սահմանադրության, օրենքների կոպիտ խախտումների, զանգվածային բռնությունների, մեծամասշտաբ կեղծիքների պայմաններում։ Դրան անխուսափելիորեն հաջորդեց շուրջօրյա խաղաղ հանրահավաքների տեսքով համաժողովրդական ընդվզումը՝ կենտրոնատեղի ունենալով Ազատության հրապարակը։ Մյուս կողմից՝ Լեւոն Տեր-Պետրոսյանի ընտրական շտաբը ծանրակշիռ ու անշրջանցելի փաստաթղթերի մի փաթեթով դիմեց Սահմանադրական դատարան՝
