Слуцкий бошқарувидаги Shanghai Shenhua турнирни мағлубият билан якунлади
Осиё Чемпионлар лигасида етти турдан кейин «Shanghai Shenhua» плей-оффга чиқиш имкониятини бой берди. 8-турда «Buriram United»га қарши баҳс Леонид Слуцкий жамоаси учун фақатгина мусобақа билан хайрлашишдан олдин сўнгги уриниш эди, бироқ буни уддалай олмади. Бу ҳақда euro-football.ru хабар беради.
Таиланд клуби «Buriram United» 2:0 ҳисобида зафар қучди. Улар илк бўлимнинг бошидаёқ икки бор рақиб дарвозасини ишғол қилди: 11-дақиқада Гуд Кўртис, 22-дақиқада эса Суфанат Муеанта гол муаллифига айланди. Учрашув давомида «Shanghai Shenhua»нинг бир футболчиси майдондан четлатилиб, жамоа кам сонли бўлиб қолгач, ўйиндаги интрига деярли сўнди.
Қайд этилишича, Леонид Слуцкийнинг «Shanghai Shenhua» билан амалдаги шартномаси 2027 йил охиригача мўлжалланган.