Юлдуз Ражабова ва Эмре Кивилжим тўйи қачон бўлади?
Ўзбекистонлик таниқли актриса Юлдуз Ражабова ҳамда турк кино олами юлдузи Эмре Кивилжимнинг никоҳ маросими мухлислар диққат марказида бўлиб турибди. 17 февраль куни Истанбулда бўлиб ўтган никоҳдан сўнг, кўпчилик жуфтликнинг катта тўйи қачон ўтишига қизиқиш билдирган эди.
Яқинда бўлиб ўтган спектакль премьераларидан бирида журналистлар Эмре Кивилжимга айнан шу савол билан мурожаат қилишди. Турк актёри ўз жавобида тўй маросимини айнан Тошкент шаҳрида ўтказишни режалаштирганликларини маълум қилди. Унинг сўзларига кўра, дастлаб никоҳ ва кичик зиёфатни сир сақлаш ниятида бўлишган, бироқ меҳмонлар томонидан ижтимоий тармоқларга жойланган суратлар туфайли бу янгилик тезда тарқалиб кетган.
Эмре Кивилжим тўй маросими яқин бир икки ой ичида бўлиб ўтишини таъкидлади. Ҳозирда юлдузли жуфтлик катта тантанага тайёргарлик кўрмоқда. Мухлислар актрисанинг ўзбекона урф-одатлар асосида ўтадиган тўйини интиқлик билан кутишмоқда.