NVIDIA ўйин видеокарталари бозорини бутунлай эгаллаб олди
График процессорлар бозорида NVIDIA компанияси мисли кўрилмаган натижаларни қайд этмоқда. Жон Педдие Ресеарч агентлиги маълумотларига кўра, 2025 йилнинг тўртинчи чорагида сотилган барча дискрет видеокарталарнинг 94 фоизи айнан ушбу бренд ҳиссасига тўғри келади. Қолган 6 фоизлик улуш эса Интел ва AMD компаниялари ўртасида тақсимланган. Бу ҳақда wylsa.com хабар беради.
Ушбу таҳлилий рақамлар Стеам платформаси фойдаланувчилари статистикаси билан ҳам тасдиқланмоқда. Ўйинчилар орасида энг оммабоп видеокарталар рейтингининг дастлабки ўн олтита ўрнини фақат NVIDIA маҳсулотлари банд этган. Рўйхат бошида RTX 5070 модели турибди, AMD компаниясининг биринчи видеокартаси эса рейтингда атиги ўн еттинчи ўринда қайд этилган.
Бозордаги ҳукмрон мавқеидан фойдаланган ҳолда, NVIDIA ўз маҳсулотлар қаторини кенгайтиришда давом этмоқда. Яқин вақт ичида янгиланган RTX 5050 моделини бозорга чиқариш режалаштирилган. Миш-мишларга кўра, ушбу карта 9 ГБ ҳажмдаги GDDR7 хотираси ва 96 битли шина билан жиҳозланади. Гарчи 9 ГБ хотира ҳажми ғайритабиий туюлса-да, компаниянинг ҳозирги ҳолатида рақобатчилар унга жиддий қаршилик кўрсата олмаётгани яққол кўриниб турибди.