Барселона Фил Фоден трансфери устида ишламоқда
Испаниянинг "Барселона" клуби ёзги трансферлар вақтида "Манчестер Сити" яримҳимоячиси Фил Фоден билан шартнома имзолашни режалаштирмоқда. Трансфер Неwс Ливе нашрининг хабар беришича, каталонияликлар инглиз футболчисини ўз сафига қўшиб олиш учун жиддий уриниб кўради.
Ҳозирда 25 ёшли футболчининг "Манчестер Сити" билан амалдаги шартномаси 2027 йил ёзига қадар мўлжалланган. Томонлар ўртасида янги битим бўйича музокаралар 2025 йил ноябрь ойидан буён давом этаётган бўлса-да, ҳамон якуний келишувга эришилмаган. Айнан шу ноаниқлик "Барселона" учун қулай имконият эшигини очиши мумкин.
Трансфермаркт портали Фил Фоденнинг бозор қийматини 80 миллион евро деб баҳоламоқда. Футболчи "Манчестер Сити" сафида ўтказган 358 та учрашувда 110 та гол уриб, 66 та голли узатмани амалга оширган. Агар томонлар келишувга эриша олмаса, ёзда катта трансфер шов-шуви юз бериши эҳтимоли юқори.