Эрон ташқи ишлар вазири Россия билан ҳамкорлик ҳақида гапирди
Эрон ташқи ишлар вазири Аббос Аракчи Теҳрон ва Москва ўртасидаги ҳамкорлик ҳеч қандай янгилик ёки сир эмаслигини таъкидлади. У бу ҳақда 8 март куни NBC Неwс телеканалига берган интервьюсида АҚШ билан юзага келган зиддиятлар фонида Россиянинг Эронга кўрсатаётган ёрдами ҳақидаги саволларга жавоб берар экан айтиб ўтди. Бу ҳақда tengrinews.kz хабар беради.
Вазир Россия томони Эрон билан кўплаб йўналишларда ҳамкорлик қилаётганини тасдиқлади, бироқ Россия махсус хизматлари АҚШ ҳарбий объектларини аниқлашда ёрдам бераётгани ҳақидаги саволга аниқ жавоб бермади. Аракчи ўзида бу борада батафсил маълумот йўқлигини қўшимча қилди.
Аввалроқ Тҳе Wашингтон Пост газетаси Россия Эронга Яқин Шарқдаги Америка қўшинларига зарба бериш учун разведка маълумотларини тақдим этаётгани ҳақида хабар тарқатган эди. Нашрнинг таъкидлашича, Москва шу йўл билан АҚШ ва Исроилнинг Эронга қарши олиб бораётган урушида билвосита иштирок этмоқда. Манбаларга кўра, 28 февралдан бошлаб Россия Америка кемалари ва самолётлари жойлашган ҳудудлар ҳақида маълумотлар узатган бўлиши мумкин.
Ҳозирча Россиянинг ракета нишонларини аниқлашдаги ёрдами қай даражада экани тўлиқ ойдинлашмаган. Бироқ таҳлилчилар жанговар ҳаракатлар бошланганидан буён Эроннинг ўз имкониятлари билан нишонларни аниқлаш салоҳияти пасайганини қайд этишмоқда.